SNA hevur gjørt fyrireikandi arbeiðið og byggiskránna saman við Klaksvíkar kommunu til eina altjóða kapping um Miðbýin í Klaksvík.
 

Yvir 150 uppskot komu inn, har hesin fjarskotni býurin í Atlantshavi, megnaði at kveikja áhuga og savna kreftirnar hjá fleiri av okkara kendastu teknistovum í útheiminum.

Dómsnevndin, var mannað av 6 lokalum persónum í Klaksvík innan politisku skipanina, umsitingina, handilsøki og innan list, og 3 arkitektur útnevndir av Arkitektafelagnum. Mett var at besta uppskotið varð gjørt av Henning Larsen Architects úr Danmark, sum viðhefta mynd vísir eina Torgmynd.

Vinnarauppskotið verður nú brúkt sum grundarlag til eina serstaka byggisamtykt fyri Miðbýin í Klaksvík.