Landssjúkrahúsið H-bygningurin

 
Harumframt umfatar verkætlanin neyðug avleidd høli og umstøður til sjúklingar, starvsfólk, tøkni, seingjavask, goymslur og annað.

Bygningurin er staðsettur millum núverandi G- og B-bygning og sjóvarmálan, millum tyrlupalli og róðrarneystið hjá Havnar Róðrarfelagi.

Høvuðsinngongdin við B og G bygningin, verður framvegis nýtt sum høvuðsatkoma, og hiðani verða fólk leidd víðari gjøgnum ein íbindingarstrong yvir í H-bygningin. Tvær hæddir eru við seingjastovum, íroknað burðarstovum og isolasjónsstovum. Ein inniheldur endurvenjing, konferansudepil og ambulant psykiatri, og ein nýggja kantinu við framleiðslukøki og psykiatriskari seingjardeild. Harumframt er kjallari við parkeringsøki, goymslu og seingjavaski við fleiri tekniskum funktiónum.

Bygningurin savnar seg um eitt atrium í miðjuni øðrumegin og ein innara garð (til psykiatriina) hinumegin. Seingjastovurnar eru einstaklingastovur við plássi fyri avvarðandi at gista og vera hjá sjúklinginum. Hvør stova hevur egið baðirúm.

Arbeitt hevur verið gjøgnum alla verkætlanina, at fremja eitt heimligt og hugnaligt umhvørvi og at gagnnýta serstøku staðsetingina við sjóvarmálan og Sandágerð á bestan hátt.

FAERPORT II samtakið, ið umfatar SNA/ÁWA, LBF og SMJ, hevur sniðgivið og prosjekterað.